ਅਮਰੀਕਾ ‘ਚ ਗੋਲੀਬਾਰੀ ਦੌਰਾਨ 3 ਦੀ ਮੌਤ
ਵਾਸ਼ਿੰਗਟਨ, 28 ਨਵੰਬਰ (ਪੰਜਾਬ ਮੇਲ)- ਅਮਰੀਕਾ ਦੇ ਸ਼ਹਿਰ ਕੋਲੋਰਾਡੋ ਸਥਿਤ ਇਕ ਪਰਿਵਾਰ ਨਿਯੋਜਨ ਕੇਂਦਰ ਵਿੱਚ ਇਕ ਬੰਦੂਕਧਾਰੀ ਨੇ ਗੋਲੀਬਾਰੀ ਕੀਤੀ, ਜਿਸ ਵਿੱਚ ਇਕ ਪੁਲੀਸ ਅਧਿਕਾਰੀ ਸਮੇਤ ਤਿੰਨ ਲੋਕ ਮਾਰੇ ਗਏ। ਅਧਿਕਾਰੀਅਾਂ ਮੁਤਾਬਕ ਕੱਲ੍ਹ ਸ਼ਾਮ ਬੰਦੂਕਧਾਰੀ ਕੋਲੋਰਾਡੋ ਸਪਿ੍ੰਗਜ਼ ਸਥਿਤ ‘ਪਲੈਨਡ ਪੈਰੇਂਟਹੁੱਡ’ ਕਲੀਨਿਕ ਵਿੱਚ ਜਾ ਵਡ਼ਿਆ ਅਤੇ ਉਸ ਨੇ ਕਈ ਘੰਟਿਅਾਂ ਤਕ ਮੁਲਾਜ਼ਮਾਂ ਤੇ ਮਰੀਜ਼ਾਂ ਨੂੰ ਬੰਧਕ ਬਣਾ ਕੇ ਰੱਖਿਆ। ਇਸ ਦੌਰਾ ਨ ਪੁਲੀਸ ਤੇ ਹਮਲਾਵਰ ਵਿਚਾਲੇ ਗੋਲੀਬਾਰੀ ਹੋਈ। ਤਕਰੀਬਨ ਪੰਜ-ਛੇ ਘੰਟਿਅਾਂ ਬਾਅਦ ਹਮਲਾਵਰ ਨੇ ਪੁਲੀਸ ਅੱਗੇ ਅਾਤਮਸਮਰਪਣ ਕਰ ਦਿੱਤਾ। ਇਸ ਘਟਨਾ ’ਚ ਪੰਜ ਪੁਲੀਸ ਅਧਿਕਾਰੀਅਾਂ ਸਮੇਤ 9 ਲੋਕ ਜ਼ਖ਼ਮੀ ਹੋ ਗਏ।