ਟੋਰਾਂਟੋ ’ਚ ਭਾਰਤੀ ਔਰਤ ਦੀ ਬੇਰਹਿਮੀ ਨਾਲ ਹੱਤਿਆ
ਟੋਰਾਂਟੋ, 3 ਨਵੰਬਰ (ਸੁਖਮਿੰਦਰ ਸਿੰਘ ਚੀਮਾ/ਪੰਜਾਬ ਮੇਲ)- ਟੋਰਾਂਟੋ ਦੀ ਇਕ ਅਪਾਰਟਮੈਂਟ ਬਿਲਡਿੰਗ ’ਚ ਇੲ ਭਾਰਤੀ ਮੂਲ ਦੀ ਔਰਤ ਨੂੰ ਕਤਲ ਕਰਨ ਦੇ ਮਾਮਲੇ ’ਚ ਪੁਲਿਸ ਨੇ 34 ਸਾਲਾ ਆਰਿਫ ਖਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਉਸ ਨੇ ਪਿਛਲੇ ਹਫਤੇ 37 ਸਾਲਾ ਲੀਲਾ ਚੰਦਰਪਾਲ ਨੂੰ ਚਾਕੂ ਮਾਰਕੇ ਕਤਲ ਕਰ ਦਿੱਤਾ ਸੀ।
ਪੁਲਿਸ ਦੇ ਦੱਸਣ ਅਨੁਸਾਰ ਆਰਿਫ ਖਾਨ ਚੰਦਰਪਾਲ ਨੂੰ ਪਹਿਲਾਂ ਤੋਂ ਜਾਣਦਾ ਸੀ ਅਤੇ ਘਟਨਾ ਵਾਲੀ ਸ਼ਾਮ ਵੈਸਟਨ ਰੋਡ ਅਤੇ ਕਿੰਗ ਰੋਡ ਉਪਰ ਸਥਿਤ ਅਪਾਰਟਮੈਂਟ ਬਿਲਡਿੰਗ ’ਚ ਲੀਲਾ ਚੰਦਰਪਾਲ ਨੂੰ ਮਿਲਣ ਆਇਆ ਸੀ। ਦੋਵਾਂ ਦਰਮਿਆਨ ਕਿਸੇ ਗੱਲੋਂ ਤਕਰਾਰ ਹੋਣ ਕਰਕੇ ਗੁੱਸੇ ਵਿਚ ਆਏ ਖਾਨ ਨੇ ਚਾਕੂਆਂ ਦੇ ਵਾਰ ਕਰਕੇ ਚੰਦਰਪਾਲ ਨੂੰ ਥਾਂ ਉਪਰ ਹੀ ਢੇਰੀ ਕਰ ਦਿੱਤਾ।
ਪੀਲ ਪੁਲਿਸ ਨੇ ਆਰਿਫ ਖਾਨ ਨੂੰ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ’ਚ ਚਾਰਜ ਕਰ ਲਿਆ ਹੈ। ਅਦਾਲਤ ਨੇ ਉਸ ਦੀ ਜ਼ਮਾਨਤ ਦੀ ਅਰਜ਼ੀ ਰੱਦ ਕਰਦਿਆਂ ਉਸ ਨੂੰ ਟੋਰਾਂਟੋ ਜੇਲ੍ਹ ਭੇਜ ਦਿੱਤਾ ਹੈ।