ਫ਼ਿਰੋਜ਼ਪੁਰ ਵਿਖੇ ਮਨਾਏ ਗਏ ਜ਼ਿਲ੍ਹਾ ਪੱਧਰੀ ਆਜ਼ਾਦੀ ਦਿਵਸ ਮੌਕੇ ਬੱਚਿਆਂ ਨੂੰ ਵੰਡੇ ਬਾਸੇ ਤੇ ਬਦਬੂ ਮਾਰਦੇ ਲੱਡੂ
By : ਗੁਰਿੰਦਰ ਸਿੰਘ
First Published : Tuesday, Aug 16, 2016 07:07 PM
 ਫ਼ਿਰੋਜ਼ਪੁਰ 16 ਅਗਸਤ 2016: ਫ਼ਿਰੋਜ਼ਪੁਰ ਵਿਖੇ ਮਨਾਏ ਗਏ ਜ਼ਿਲ੍ਹਾ ਪੱਧਰੀ ਆਜ਼ਾਦੀ ਦਿਵਸ ਮੌਕੇ ਪ੍ਰਸਾਸ਼ਨ ਵੱਲੋਂ ਕੀਤੇ ਇੰਤਜਾਮਾਂ ਨੂੰ ਓਸ ਵੇਲੇ ਗ੍ਰਹਿਣ ਲੱਗ ਗਿਆ ਜਦੋਂ ਹਫਤਿਆਂ ਬੱਧੀ ਰਿਹਸਲਾਂ ਕਰ ਆਜ਼ਾਦੀ ਦਿਵਸ ਸਮਾਗਮ ਦੀ ਸ਼ਾਨ ਨੂੰ ਵਧਾਉਣ ਵਾਲੇ ਵੱਖ ਵੱਖ ਸਕੂਲਾਂ ਦੇ ਬੱਚਿਆਂ ਨੂੰ ਬਾਸੇ ਤੇ ਬਦਬੂ ਮਾਰਦੇ ਲੱਡੂ ਵੰਡ ਦਿੱਤੇ ਗਏ ਜਿਹਨਾਂ ਨੂੰ ਬੱਚਿਆਂ ਨੇ ਖਾਣ ਦੀ ਬਜਾਏ ਸੜਕਾਂ 'ਤੇ ਸੁੱਟਣ ਨੂੰ ਤਰਜੀਹ ਦਿੱਤੀ।
ਦੱਸਣਯੋਗ ਹੈ ਕਿ ਜ਼ਿਲ੍ਹਾ ਪੱਧਰੀ ਅਜਾਦੀ ਦਿਵਸ ਨੂੰ ਚਾਰ ਚੰਨ ਲਾਉਣ ਲਈ ਜ਼ਿਲ੍ਹਾ ਪ੍ਰਸਾਸ਼ਨ ਦੀਆਂ ਹਦਾਹਿਤਾਂ 'ਤੇ ਪਿੱਛਲੇ ਕਰੀਬ 15 ਦਿਨਾਂ ਤੋਂ ਵੱਖ ਵੱਖ ਸਕੂਲਾਂ ਦੇ ਸੈਂਕੜੇ ਬੱਚਿਆਂ ਵੱਲੋਂ ਭਰ ਗਰਮੀ ਦੇ ਬਾਵਜੂਦ ਆਪਣੇ ਪਿਆਰੇ ਵਤਨ ਦੀ ਸ਼ਾਨ ਲਈ ਵੱਖ ਵੱਖ ਸੱਭਿਆਚਾਰਕ ਤੇ ਦੇਸ਼ ਭਗਤੀ ਪ੍ਰਗਟਾਉਂਦਾ ਪ੍ਰੋਗਰਾਮ ਨੂੰ ਤਿਆਰ ਕਰਨ ਲਈ ਅਭਿਆਸ ਕੀਤਾ ਜਾ ਰਿਹਾ ਸੀ।
ਹਰ ਸਾਲ ਆਜ਼ਾਦੀ ਦਿਵਸ ਅਤੇ ਗਣਤੰਤਰ ਦਿਵਸ ਮੌਕੇ ਬੱਚਿਆਂ ਦੀ ਇਸ ਮਿਹਨਤ ਦੇ ਮੁੱਲ ਵਜੋਂ ਪ੍ਰਸਾਸ਼ਨ ਵੱਲੋਂ 2-2 ਲੱਡੂ ਤੇ ਅਗਲੇ ਦਿਨ ਦੀ ਛੁੱਟੀ ਦਾ ਐਲਾਨ ਕੀਤਾ ਜਾਂਦਾ ਹੈ। ਇਸ ਵਾਰ ਵੀ ਬੱਚਿਆਂ ਲਈ ਮੁੱਖ ਮਹਿਮਾਨ ਵੱਲੋਂ ਇੱਕ ਲੱਖ ਰੁਪਏ ਦੇ ਲੱਡੂ ਵੰਡਣ ਦਾ ਐਲਾਨ ਕੀਤਾ ਗਿਆ ਪਰ ਸਰਕਾਰੀ ਅਤਿਆਚਾਰ ਦੀ ਓਸ ਵੇਲੇ ਇੰਤਹਾ ਹੋ ਗਈ ਜਦੋਂ ਸਖਤ ਗਰਮੀ 'ਚ ਆਪਣਾ ਖੂਨ ਪਸੀਨਾ ਇੱਕ ਕਰਨ ਵਾਲੇ,
ਬੱਚਿਆਂ ਨੂੰ ਦਿੱਤੇ ਗਏ ਲੱਡੂ ਬਾਸੇ ਤੇ ਬਦਬੂ ਮਾਰ ਰਹੇ ਸਨ ਜੋ ਬੱਚਿਆਂ ਨੇ ਖਾਣ ਦੀ ਬਜਾਏ ਸੜਕਾਂ 'ਤੇ ਸੁੱਟ ਦਿੱਤੇ।