ਜਹਾਜ਼ ਚੋਰੀ ਕਰਕੇ ਭੱਜ ਰਹੇ ਨੌਜਵਾਨ ਦੀ ਹਾਦਸੇ ‘ਚ ਮੌਤ

Posted On 13 Aug 2016

By : Punjab Mail USA

ਔਟਵਾ, 13 ਅਗਸਤ (ਪੰਜਾਬ ਮੇਲ)- ਕੈਨੇਡਾ ਵਿਚ ਇਕ ਜਹਾਜ਼ ਚੋਰੀ ਕਰਕੇ ਫਰਾਰ ਹੋਏ ਨੌਜਵਾਨ ਦੀ ਟੋਰਾਂਟੋ ਵਿਚ ਉਸੇ ਜਹਾਜ਼ ਨਾਲ ਹੋਏ ਹਾਦਸੇ ਵਿਚ ਮੌਤ ਹੋ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਤੜਕੇ ਹੋਏ ਇਸ ਹਾਦਸੇ ਵਿਜ ਜਹਾਜ਼ ਦਾ ਕਾਕਪਿਟ ਬੁਰੀ ਤਰ੍ਹਾਂ ਨਾਲ ਨੁਕਸਾਨਿਆ ਗਿਆ ਹੈ।
ਪਾਈਪਰ ਪੀਏ-38-112 ਟੋਮਹਾਕ ਜਹਾਜ਼ ਉਨਟਾਰੀਓ ਝੀਲ ਦੇ ਕੋਲ ਪੀਟਰਬਰਗ ਵਿਚ ਥੱਲੇ ਆ ਡਿਗਿਆ। ਜਹਾਜ਼ ਚੋਰੀ ਕਰਕੇ ਭੱਜ ਰਹੇ ਨੌਜਵਾਨ ਨੇ ਜਹਾਜ਼ ਨੂੰ ਜ਼ਮੀਨ ‘ਤੇ ਉਤਾਰਨ ਦੀ ਕੋਸ਼ਿਸ਼ ਕੀਤੀ ਸੀ। ਉਸ ਚੋਰੀ ਦੀ ਘਟਨਾ ਸਥਾਨ ‘ਤੇ ਹੀ ਮੌਤ ਹੋ ਗਈ। ਅਜੇ ਤੱਕ ਇਹ ਸਾਫ ਨਹੀਂ ਹੋ ਸਕਿਆ ਕਿ ਉਸ ਚੋਰ ਦੇ ਕੋਲ ਜਹਾਜ਼ ਉਡਾਉਣ ਦਾ ਲਾਇਸੰਸ ਸੀ ਜਾਂ ਨਹੀਂ। ਦੱਸਿਆ ਜਾਂਦਾ ਹੈ ਕਿ ਇਸ ਜਹਾਜ਼ ਨੂੰ ਉਨਟਾਰੀਓ ਤੋਂ ਕਰੀਬ ਸੌ ਕਿਲੋਮੀਟਰ ਦੂਰ ਮਾਰਖਮ ਦੇ ਪੇਂਡੂ ਇਲਾਕੇ ਦੀ ਹਵਾਈ ਪੱਟੀ ਤੋਂ ਚੋਰੀ ਕੀਤੀ ਗਿਆ ਸੀ। ਕੈਨੇਡਾ ਦੀ ਟਰਾਂਸਪੋਰਟ ਸੁਰੱਖਿਆ ਨੂੰ ਜਾਂਚ ਦੇ ਲਈ ਘਟਨਾ ਸਥਾਨ ‘ਤੇ ਭੇਜਿਆ ਗਿਆ ਹੈ।