ਸੈਕਰਾਮੈਂਟੋ ਦੇ ਮੰਦਿਰ ‘ਚੋਂ ਮਹਿਲਾਵਾਂ ਤੋਂ ਬੰਦੂਕ ਦੀ ਨੋਕ ‘ਤੇ ਲੁੱਟੇ ਗਹਿਣੇ

Posted On 16 May 2016

By : Punjab Mail USA

ਸੈਕਰਾਮੈਂਟੋ, 15 ਮਈ (ਪੰਜਾਬ ਮੇਲ)-ਅਮਰੀਕਾ ਦੇ ਸੈਕਰਾਮੈਂਟੋ ਸ਼ਹਿਰ ਦੇ ਹਿੰਦੂ ਮੰਦਿਰ ਵਿੱਚ ਮਹਿਲਾ ਨਾਲ ਲੁੱਟ ਖੋਹ ਦੀ ਘਟਨਾ ਸਾਹਮਣੇ ਆਈ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇੱਕ ਨੌਜਵਾਨ ਬੰਦੂਕ ਲੈ ਕੇ ਮੰਦਿਰ ਵਿੱਚ ਆਇਆ ਅਤੇ ਉਸ ਨੇ ਰਸੋਈ ਘਰ ਵਿੱਚ ਸੇਵਾ ਕਰ ਰਹੀਆਂ ਮਹਿਲਾਵਾਂ ਨੂੰ ਗਹਿਣੇ ਉਤਾਰਨ ਲਈ ਆਖਿਆ। ਇਸ ਦੌਰਾਨ ਇੱਕ ਸ਼ਰਧਾਲੂ ਲੁਟੇਰੇ ਉੱਤੇ ਟੁੱਟ ਪਿਆ। ਇਸ ਤੋਂ ਬਾਅਦ ਡਰਦਾ ਹੋਇਆ ਲੁਟੇਰਾ ਮੰਦਿਰ ਵਿਚੋਂ ਭੱਜ ਗਿਆ। ਲੁਟੇਰਾ ਜਾਂਦਾ ਹੋਇਆ ਆਪਣੇ ਨਾਲ ਮਹਿਲਾਵਾਂ ਦੇ ਗਹਿਣੇ ਵੀ ਲੈ ਗਿਆ। ਲੁੱਟ ਦੀ ਪੂਰੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਵੀ ਹੋਈ ਹੈ। ਪੁਲਿਸ ਵੱਲੋਂ ਲੁਟੇਰੇ ਦੀ ਭਾਲ ਕੀਤੀ ਜਾ ਰਹੀ ਹੈ। ਪਰ ਸੀਸੀਟੀਵੀ ਦੀ ਫੁਟੇਜ ਤੋਂ ਲੁਟੇਰੇ ਦੀ ਪਹਿਚਾਣ ਕਰਨੀ ਮੁਸ਼ਕਿਲ ਹੈ। ਦੂਜੇ ਪਾਸੇ ਇਸ ਘਟਨਾ ਤੋਂ ਬਾਅਦ ਮੰਦਰ ਵਿੱਚ ਆਉਣ ਵਾਲੇ ਹਿੰਦੂ ਭਾਈਚਾਰੇ ਵਿੱਚ ਸਹਿਮ ਦਾ ਮਾਹੌਲ ਹੈ।