ਸੁਖਬੀਰ ਨੇ ਸਟਾਫ ਨਾਲ ਹੋਲੀ ‘ਤੇ ਖੂਬ ਕੀਤਾ ਮਜ਼ਾ, ਤਸਵੀਰਾਂ ਹੋਈਆਂ ਵਾਇਰਲ

ਚੰਡੀਗੜ੍ਹ, 25 ਮਾਰਚ (ਪੰਜਾਬ ਮੇਲ)- ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਨੇ ਚੰਡੀਗੜ੍ਹ ਵਿਖੇ ਆਪਣੀ ਰਿਹਾਇਸ਼ ‘ਤੇ ਹੋਲੀ ਦਾ ਤਿਉਹਾਰ ਮਨਾਇਆ। ਉਨ੍ਹਾਂ ਆਪਣੇ ਨਿੱਜੀ ਸਟਾਫ ਅਤੇ ਨੇੜਲੇ ਸਾਥੀਆਂ ਨਾਲ ਕਾਫੀ ਮਸਤੀ ਕੀਤੀ ਅਤੇ ਉਨ੍ਹਾਂ ਨੂੰ ਰੰਗ ਲਗਾਇਆ। ਹੋਲੀ ਦੇ ਰੰਗਾਂ ਨਾਲ ਭਰੇ ਹੋਏ ਸੁਖਬੀਰ ਬਾਦਲ ਦੀਆਂ ਸਟਾਫ ਨਾਲ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈਆਂ ਹਨ, ਜਿਨ੍ਹਾਂ ਦੀ ਕਾਫੀ ਪ੍ਰਸ਼ੰਸਾ ਵੀ ਹੋ ਰਹੀ ਹੈ।
ਸੁਖਬੀਰ ਬਾਦਲ, ਜੋ ਆਮ ਤੌਰ ‘ਤੇ ਕਾਫੀ ਹੰਕਾਰੀ ਮੰਨੇ ਜਾਂਦੇ ਹਨ, ਦੀਆਂ ਇਨ੍ਹਾਂ ਤਸਵੀਰਾਂ ਨੇ ਉਨ੍ਹਾਂ ਨੂੰ ਕਾਫੀ ਖੁਸ਼ਮਿਜਾਜ਼ ਅਤੇ ਸ਼ਰਾਰਤੀ ਵਿਅਕਤੀ ਵਜੋਂ ਪੇਸ਼ ਕੀਤਾ ਹੈ, ਜੋ ਆਪਣੇ ਸਟਾਫ ਨਾਲ ਮਿਲ ਕੇ ਤਿਉਹਾਰ ਮਨਾਉਂਦੇ ਹਨ। ਹਾਲਾਂਕਿ ਸੁਖਬੀਰ ਬਾਦਲ ਦੇ ਕੁਝ ਆਲੋਚਕਾਂ ਨੇ ਉਨ੍ਹਾਂ ਦੀਆਂ ਇਨ੍ਹਾਂ ਤਸਵੀਰਾਂ ਅਤੇ ਇਸ ਖੁੱਲ੍ਹਦਿਲੀ ਨੂੰ ਡਰਾਮਾ ਕਿਹਾ ਹੈ।
ਖੈਰ! ਜੋ ਵੀ ਹੈ, ਜੌਲੀ ਮੂਡ ਵਿਚ ਸਟਾਫ ਨਾਲ ਹੋਲੀ ਖੇਡਦੇ ਸੁਖਬੀਰ ਬਾਦਲ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਲੋਕਾਂ ਵਲੋਂ ਕਾਫੀ ਪਸੰਦ ਅਤੇ ਸ਼ੇਅਰ ਕੀਤਾ ਜਾ ਰਿਹਾ ਹੈ।