ਮਹਾਰਾਸ਼ਟਰ 'ਚ ਨਕਸਲੀਆਂ ਨੇ ਬੰਬ ਨਾਲ ਉਡਾਈ ਪੁਲਿਸ ਵੈਨ - 16 ਜਵਾਨ ਸ਼ਹੀਦ
By : ਬਾਬੂਸ਼ਾਹੀ ਬਿਊਰੋ
Wednesday, May 01, 2019 03:22 PM ਮੁੰਬਈ, 1 ਮਈ 2019 -
  ਮਹਾਰਾਸ਼ਟਰ ਦੇ ਗੜ੍ਹਚਿਰੌਲੀ ਜ਼ਿਲ੍ਹੇ 'ਚ ਨਕਸਲੀਆਂ ਨੇ ਪੁਲਿਸ ਦੀ ਇੱਕ ਗੱਡੀ ਨੂੰ ਧਮਾਕੇ ਨਾਲ ਉਡਾ ਦਿੱਤਾ, ਜਿਸ 'ਚ 16 ਪੁਲਿਸ ਦੇ ਜਵਾਨ ਸ਼ਹੀਦ ਹੋ ਗਏ। ਮੰਗਲਵਾਰ ਦੇਰ ਰਾਤ ਇਸੇ ਇਲਾਕੇ 'ਚ ਨਕਸਲੀਆਂ ਨੇ ਰੋਡ ਨਿਰਮਾਣ 'ਚ ਲੱਗੇ 36 ਵਾਹਨਾਂ ਨੂੰ ਅੱਗ ਲਾ ਦਿੱਤੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਮਹਾਰਾਸ਼ਟਰ ਪੁਲਿਸ ਦੇ ਜਵਾਨ ਨਿੱਜੀ ਬੱਸ 'ਚ ਗੜ੍ਹਚਿਰੌਲੀ ਵੱਲ੍ਹ ਜਾ ਰਹੇ ਸੀ।ਇਹ ਇਲਾਕਾ ਮਹਾਰਾਸ਼ਟਰ-ਛੱਤੀਸਗੜ੍ਹ ਬਾਰਡਰ 'ਤੇ ਹੈ।
ਸ਼ਹੀਦ ਹੋਏ ਜਵਾਨ ਸੀ-60 ਕਮਾਂਡੋ ਦੇ ਸਨ। ਇਸ ਫੋਰਸ 'ਚ 60 ਜਵਾਨ ਹੁੰਦੇ ਹਨ। ਇਸਦਾ ਗਠਨ 1992 'ਚ ਗੜ੍ਹਚਿਰੌਲੀ ਦੇ ਤਤਕਾਲੀ ਐਸਪੀ ਕੇ.ਪੀ ਰਘੂਵੰਸ਼ੀ ਨੇ ਕੀਤਾ ਸੀ। ਇਸ ਫੋਰਸ ਦੇ ਕਮਾਂਡੋ ਨਕਸਲ ਵਿਰੋਧੀ ਅਭੀਆਨਾਂ ਲਈ ਤਿਆਰ ਕੀਤੇ ਜਾਂਦੇ ਹਨ।
.............................
ਟਿੱਪਣੀ:-ਦੇਖੀਏ ਹੁਣ ਇਨ੍ਹਾਂ ਸ਼ਹੀਦਾਂ ਦਾ ਵੀ ਪੁਲਵਾਮਾ ਦੇ ਸ਼ਹੀਦਾਂ ਵਾਙ ਕਿੰਨਾ ਕੁ ਸਨਮਾਨ ਕੀਤਾ ਜਾਂਦਾ ਹੈ ?
                       ਅਮਰ ਜੀਤ ਸਿੰਘ ਚੰਦੀ