ਕਥਿਤ ਤੌਰ ਤੇ ਬਜ਼ੁਰਗ ਤੋਂ ਪੈਸੇ ਖੋਹ ਕੇ ਦੌੜ ਟਰੱਕ ਵਿੱਚ ਵੱਜੇ
ਮੌਤ ਦੇ ਮੁੱਹ ਪੁੱਜੇ ਦੋ ਮੋਟਰ ਸਾਇਕਲ ਸਵਾਰ
By : ਜਗਦੀਸ਼ ਥਿੰਦ
Saturday, Sep 15, 2018 06:46 AM
ਟਰੱਕ ਸਾਹਮਣੇ ਸੜਕ ਉੱਪਰ ਪੲੇ ਮੋਟਰ ਸਾਇਕਲ ਚਾਲਕ ਕਥਿਤ ਲੁਟੇਰੇ
ਜਗਦੀਸ਼ ਥਿੰਦ
ਗੁਰੂਹਰਸਹਾਏ / ਫਿਰੋਜ਼ਪੁਰ  14 ਸਤੰਬਰ
ਅੱਜ ਬਾਅਦ ਦੁਪਹਿਰ  ਇੱਕ ਤੇਜ਼ ਰਫ਼ਤਾਰ ਮੋਟਰਸਾਈਕਲ ਦੇ ਟਰੱਕ ਸਾਹਮਣੇ ਟਕਰਾਉਣ ਨਾਲ ਦੋਨੋਂ ਮੋਟਰਸਾਈਕਲ ਸਵਾਰ ਗੰਭੀਰ ਰੂਪ ਵਿੱਚ ਫੱਟੜ ਹੋ ਗਏ । ਜਿਨ੍ਹਾਂ  ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਗੁਰੂਹਰਸਹਾਏ ਲਿਆਂਦਾ ਗਿਆ ਪਰ ਉਨ੍ਹਾਂ ਦੀ ਨਾਜ਼ੁਕ ਹਾਲਾਤ ਨੂੰ ਦੇਖਦਿਆਂ ਹੋਇਆ ਮੈਡੀਕਲ ਕਾਲਜ ਫ਼ਰੀਦਕੋਟ ਲਈ ਰੈਫਰ ਕਰ ਦਿੱਤਾ ਗਿਆ । ਗੁਰੂ ਹਰਸਹਾਏ ਦੀ  ਗੁੱਦੜ ਢੰਡੀ ਰੋਡ ਉਪਰ ਅੱਜ ਇੱਕ ਤੇਜ਼ ਰਫ਼ਤਾਰ ਮੋਟਰਸਾਈਕਲ ਸਾਹਮਣੇ ਤੋਂ ਆ ਰਹੇ ਟਰਾਲੇ ਦੇ ਨਾਲ ਟਕਰਾਇਆ ਜਿਸ ਨਾਲ ਮੋਟਰਸਾਈਕਲ ਚਾਲਕ ਅਤੇ ਪਿੱਛੇ ਬੈਠਿਆ ਇੱਕ ਹੋਰ ਸਵਾਰ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗੲੇ ।
ਇਸ ਦੌਰਾਨ ਹੀ ਇੱਕ ਬਜ਼ੁਰਗ ਵਿਅਕਤੀ ਨੇ ਦੋਸ਼ ਲਗਾਇਆ ਜੇ ਇਹ ਵਿਅਕਤੀ ਉਸ ਵੱਲੋਂ ਬੈਂਕ ਵਿੱਚੋਂ ਕਢਵਾਈ ਰਕਮ ਨੂੰ ਖੋਹ ਕੇ ਦੌੜ ਰਹੇ ਸਨ ।
ਪੈਸੇ ਖੋਹ ਕੇ ਮੋਟਰਸਾਈਕਲ ਰਾਹੀਂ ਫਰਾਰ ਹੁੰਦਾ ਇਹ ਲੋਕ ਕਥਿਤ ਤੌਰ ਤੇ ਸਾਹਮਣੇ ਤੋਂ ਆ ਰਹੇ ਟਰੱਕ ਨਾਲ ਟਕਰਾ ਗਏ ਦੱਸੇ ਜਾਂਦੇ ਹਨ । ਇਸ ਸੰਬੰਧੀ  ਪੁਲਿਸ ਥਾਣਾ ਗੁਰੂਹਰਸਾਏ ਦੇ ਮੁਖੀ ਨਾਲ ਸੰਪਰਕ ਕਰਨ ਤੇ ਉਨ੍ਹਾਂ ਦੱਸਿਆ ਕਿ ਜ਼ਖਮੀਆਂ ਨੂੰ ਇਲਾਜ ਲਈ ਫਰੀਦਕੋਟ ਰੈਫਰ ਕੀਤਾ ਗਿਆ ਹੈ ਅਤੇ ਮੌਕੇ ਤੇ ਮੌਜੂਦ ਚਸ਼ਮਦੀਦ ਲੋਕਾਂ ਦੀ ਗਵਾਹੀ ਤੇ ਪੁਲਿਸ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾ ਰਹੀ ਹੈ